SHABABPOP

إن كنت عضو بالمنتدى أضغط على ايقونه الدخول
وإن لم تكن عضوا أضغط على ايقونه التسجيل


أنت محروم كزائر من مزايا كثيره
إشترك لترى انفرادات منتدانا وتضيف برأيك لمعرفه غيرك


SHABAB POP = SHABAB POPular


 
الرئيسيةشباب بوببحـثالتسجيلدخول

شاطر | 
 

 عندك أكتئاب أدخل خد الروشته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: عندك أكتئاب أدخل خد الروشته   الجمعة مايو 01, 2009 6:04 pm

اولا انا لا اعترف بوجود مرض اسمه الاكتئاب عند بعض الناس الكلام ده غلط الاكتئاب عند كل الناس لكن بنسب متفاوتة وردود افعال متفاوتة يعنى ايه؟؟
يعنى انت فى وقت معين بتفكر انا كنت ايه؟ واصبحت ايه؟ وهابقى ايه؟ انا كنت ولا حاجة واصبحت صفر عالشمال والمستقبل عايز ابقى مليونير لكن لاء مش هابقى كده ..... اللى قبلى عملوا ايه ولا هايعملوا ايه والحياة بقت صعبة وكذا وكذا وتفضل دماغك تجيب من اليمين والشمال وتطلع فى الاخر بنتيجة: مفيش فايدة وتنام او تخرج او تغير المود وتانى يوم الصبح تلاقى الفطار فول وطعمية وجرجير الخ الخ الخ يـــــــــــــاه انا فى قمة سعادتى...طبعا حالتك المزاجية اختلفت تماما هل الاكتئاب راح خلاص؟؟ ولا راح مؤقتا يعنى راح مشوار وراجع؟؟ ولا موجود لكن متخزن فى باب تانى فى المخ لا يفتح الا فى وقت معين ؟؟ اذا عرفت الاجابة اتصل ب 0900 خط الاكتئابات
لو افترضنا ان الاجابة الصحيحة هى الثالثة يبقى عايزين نعرف
ازاى مانفتحش الباب ده؟؟
ازاى نحجم الاكتئاب كى لاينتشر فى اكثر من باب؟؟
ازاى لو الباب اتفتح نقدر نسيطر على نفسنا ونبعد عن اى هواجس شيطانية؟؟
كيف نجعل من الاكتئاب طاقة دافعة بدلا من ان تكون كابحة؟؟

ازاى مانفتحش الباب ده؟؟
اولا:تجنب النوم لما يكون مش جايلك نوم ..يعنى ايه؟؟ يعنى انا متعود انام الساعة 2 صباحا مثلا لكن بكرة عشان هاصحى الساعة 8 لازم انام الساعة 12 من الساعة 12 بتكون على السرير هل بتنام؟؟ طبعا لا لو مش مرهق يبقى من الساعة 12 الى 2 هاتفتح الباب وممكن كمان مايتقفلش الا الساعة3 او 4
ثانيا:تجنب العزلة لانها تفتح الباب ده
ثالثا:دايما فكر فى حياتك لما تبقى مليونير هاتعمل ايه؟؟ مثلا شركة مقاولات طيب ازاى اعمل مناقصات لازم مايفوتنيش مزاد لازم اكون كويس مع العمال والحسابات هاتمشى ازاى وهكذا او اى مجال انت بتحبه وده هايفدك كتيربس اهم حاجة اهتم بالتفاصيل وطور شركتك بتفكيرك وان شاء الله ربنا يرزقك
رابعا:اوعى تكون عايش حياتك كلها مع اشخاص مكتئبين يعنى لو ابراهيم حب وماطالش وخليل مشاريعه كلها فاشلة وتهانى اتطلقت ولايصة بالعيال ماتقعدش معاهم كتير يعنى خلى معظم حياتك مع الناس اللى حياتها زبادى فى الخلاط بدل ماتضرب انت فى الخلاط يعنى برده هاتلاقى اللى ربنا كارمه وعمل مصلحة وعدى واللى ربنا صلح حالها واتجوزت وعندها عربية خضار ماشاء الله وطبعا لو اضطريت ان تكون كل قعدتك مع المكتئبين حط فى دماغك انك ممكن تكون ظروفك احسن منهم ان شاء الله فى المستقبل وربنا يوفق الجميع.

ازاى نحجم الاكتئاب كى لاينتشر فى اكثر من باب؟؟
اعلموا ان الاكتئاب مثل السرطان والعياذ بالله ولازم تسيطر عليه قبل مايسيطر هو عليك ازاى الكلام ده؟ هاقولك اذكر الله اولا واعلم ان السعى وراء الاهداف قد يحقق الاهداف من جانب اخر يعنى ممكن تفضل شغال فى البطيخ طول حياتك وفجأة تكتشف ان واحد عايز يبيع شقته وانت عندك الزبون وهوب بقيت تاجر عقارات قد الدنيا او العكس كنت سمسار او صبى سمسار وتصبح تاجر فاكهة كبير وبكرش متر و35 سنتي ...يعنى دايما افتكر قول الله عز وجل((ان الله لايضيع اجر من احسن عملا)).

ازاى لو الباب اتفتح نقدر نسيطر على نفسنا ونبعد عن اى هواجس شيطانية؟؟
فيه حاجة لازم نعرفها اولا ان دايما الشيطان يسيطر على الضعفاء بس مش هايلاعبك رست ولو غلب هايسيطر عليك لا انا قصدى ضعيف القلب والعقيدة يعنى تبص تلاقى واحد بيقولك انا هاموت نفسى خلاص مش قادر وواحد تانى بيحاول يموت نفسه وواحدة بترمى نفسها من الشباك او تنحرف او الاتجاه لطريق المخدرات واشرب يامعلم عشان تنسى ....هل تعتقد ان هؤلاء اقوياء القلوب والعقيدة؟ هل تعتقد ان الملتزمين بتعاليم الدين عندهم اكتئاب؟ هل تعتقد انك لو لجأت الى الله ودعيته انه يزيل الاكتئاب هايفضل عندك اكتئاب؟ هل تعلم ان النبى صلى الله عليه وسلم قالSadأطب مطعمك تكن مستجاب الدعوة) مش معناها كل كويس دعوتك هاتستجاب لا معناها اجعل رزقك حلال تكن مستجاب الدعوة
طب مانا عارف كل ده وبرده عندى اكتئاب.. وكمان مالى حلال ومابسرقش ولا تاجر مخدرات ودعوتى مش مستجابة ممكن تفهمنى؟ اقترب من ربنا وانت هاتتحسن مش تصلى هوب هوب وتقلب وتقولى عندى اكتئاب لازم تتأنى وتخشع وتقرأ سور غير السورتين اللى لسانك بيقولهم من غير ماعقلك يقولهم ولا يتدبر مابهم من معانى
وموضوع مالك حلال ودعوتك مش مستجابة طبعا ده بيتهيألك لان الدعوة المستجابة يكون مصيرها حاجة من اتنين اما ان تتحقق او تقابل بلاء فترفعه يعنى بالبلدى كده ياتعمل الخير اللى انت طالبه ياتمنع شر كان نازل عليك وده كلام النبى صلوا عليه
يعنى من الاخر كل ما الباب يتفتح تذكر ماعليك من العبادات وافعلها وتصدق لقوله تعالى((خذ من اموالهم صدقة تطهرهم وتزكيهم بها)) ونعم بالله لكن الفلوس اللى معايا قليلة دا انا استحق صدقة ...اعلم انه مانقص مال من صدقة يعنى ماتخافش ان الفلوس تنقص وطبعا الاقربون اولى بالمعروف وربنا يهدى الجميع

كيف نجعل من الاكتئاب طاقة دافعة بدلا من ان تكون كابحة؟؟
ماهى اعراض الاكتئاب؟وماهى نتائجه؟ دى اسئلة عادية لكن لما اقولك ماهى فوائد الاكتئاب؟
اعراض الاكتئاب دايما تكون احباط وفقدان أمل ... وانتوا عارفين.. ونتايجه دايما العصبية والحزن والخوف من بكرة وفقدان حلاوة الاشياء يعنى لو بتاكل كنافة هاتحس انها محشية طرشى ...وبرده انتوا عارفين..لكن ايه فوايد الاكتئاب؟ اولا احب اقولكم ان الموضوع ده مش مقتبس ولا منقول يعنى كتابتى انا شخصيا ..واحب اعرفكم انى كنت من أشد المكتئبين فى العصور القديمة وكانوا طبعا بيعملوا مسابقات وكنت باشارك وكنت دايما باطلع الاول يــــــــــاه كانت ايام يارب ماتمروا بيها .. المهم انا دايما باحب الاختراعات الجديدة وخصوصا فى المشاريع يعنى فكرة جديدة او اركب مشروعين فى بعض ...لحد ماجيت فى يوم وانا مكتئب وقلت ليه ماحولش الاحباط الى طموح زى مالعربيات بتتحول من بنزين لغاز (عشان اوفر احباط) وبدأت أدرس الاكتئاب اللى عندى واحلله ومسكت مثلا اهم اسبابه عندى وقلت انا عندى اكتئاب بقالى كام سنة؟ كتير طبعا ده انا معاشره من زمان الزمان وقعدت اذكر مرات النجاح وطموحى وأهدافى اللى لسة ماحققتهاش من دلوقتى انا لازم اتغير وجبت كراسة وكتبت فيها اهدافى ونشاطاتى الحالية والمركز المالى (كام تحت الصفر)وعايز اقولكم حاجة مهمة جدا شوف ايه هواياتك والحاجات اللى بتحبها وتوسع جدا فيها ده غير هدفك وشغلك يعنى حياتك يبقى فيها شغلك او دراستك+هدفك+هوايتك اللى هاتبقى عملك فيما بعد واعرف حاجة انت لو اشتغلت فى ما تحب هاتكون افضل الناس لانك لو بتحب حاجة هاتستمتع جدا وانت بتقرأ عنها وبتبحث وكل ماتوصل لافاق ابعد كل ماسعادتك هاتزيد وثقتك بنفسك هاتزيد وكمان هايزيد تشويقك للبحث والوصول لابعد مما وصلت حتى تصل للابداع
وهنا يكون ردى على السؤال بتاع الاكتئاب قوة دافعة لانه اصبح خلفك ولا يحول بينك وبين هدفك وعشان توصل المعلومة اكتر انا هاشبهه بواحد واقف بينك وبين مكان معين(هدفك) ولما تكون فى حالة مزاجية جيدة ساعتها بتكون بتبص فى ناحية تانية ولما تكتئب طبعا بتكون بتبصله بس انا باحذرك اوعى تسلم عليه انا بقى بقولك انت ممكن تخلى الراجل ده يقف وراك لانك اقوى منه بعقيدتك اولا+هدفك+هوايتك+عملك او دراستك .. ودى انا باسميها عضلاتك اللى هاتهزم بيها الاكتئاب وهاتنتصر عليه بس نصيحة ماتبصش وراك فى اول طريقك.. لكن بعد كده بص وراك على الراجل (الاكتئاب)هاتلاقيه ضئيل جدا يعنى ببساطة مش هاتقدر تكتئب تانى لابمزاجك ولا غصب عنك
ودى كانت خواطرى مع الاكتئاب وكيفية القضاء عليه وطبعا الموضوع لم ينتهى انا منتظر ردودكم وتساؤلاتكم على العام والخاص ودعواتكم ليا امضاء:مطارد الاكتئاب

بصراحه manqol بس عجبنى شكرا
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: عندك أكتئاب أدخل خد الروشته   الجمعة مايو 01, 2009 6:05 pm

اتمنا التعليق ......
الرجوع الى أعلى الصفحة اذهب الى الأسفل
SASAPOP

ELPOP ELKeBeR
ELPOP ELKeBeR


ذكر
العمر : 28
الابراج : الاسد
البـــلد : egypt
عدد المساهمــات : 2393
المزاج : تمام الحمد لله
اداره 1-1 .

مُساهمةموضوع: رد: عندك أكتئاب أدخل خد الروشته   الجمعة مايو 01, 2009 11:03 pm

جمبل جدا على فكره يا كونو
نصائح مميزه
وشكرا لك



______________


~~~~~~~~~~~~~~~~~~~~~~~~~~~
أسره واحده يجمعنا الحب والتعاون
دستورنا الاخلاق وقانوننا الصدق
كونوا عيوناٌ محبه للمنتدى
وساعدوا فى تقدمه وترقيته
كونوا أقلاماٌ مشجعه لكل خير
وافيدوا بكل ما لديكم

الرجوع الى أعلى الصفحة اذهب الى الأسفل
mrmoustafa

POP STaR
POP STaR


ذكر
العمر : 29
الابراج : العقرب
البـــلد : egypt
عدد المساهمــات : 1992
المزاج : Fine
خواص  أضافيه مشرف قسم مهارات التواصل , مشرف القسم الجغرافي

مُساهمةموضوع: رد: عندك أكتئاب أدخل خد الروشته   الجمعة مايو 01, 2009 11:31 pm

مشكور يا كونو على المجهود
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: عندك أكتئاب أدخل خد الروشته   السبت مايو 02, 2009 12:52 am

والله انتا اللى جميل يا ساسا
ومشكور جداا على اهتمامك
ومرورك ......................
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: عندك أكتئاب أدخل خد الروشته   السبت مايو 02, 2009 12:54 am

مشكور جدا على مرورك يا بوب
شكرا
الرجوع الى أعلى الصفحة اذهب الى الأسفل
حبيبة

ADMINIsTRATOR
ADMINIsTRATOR


انثى
العمر : 26
الابراج : القوس
البـــلد : egypt
عدد المساهمــات : 8258
المزاج : No Comment
خواص  أضافيه مشرفه قسم الأدب والقصه, مشرفه قسم عالم حوا
اداره 1-1 .

مُساهمةموضوع: رد: عندك أكتئاب أدخل خد الروشته   الأحد مايو 03, 2009 7:47 pm

موضوع حلو يا كونو

بس بصراحة مكنش حد غلب لو ده الحل



______________


قالو عن الصبر:
الصبر ...عند المصيبة .. يسمى ايماناً
الصبر.. عند الاكل .. يسمى قناعة
...الصبر.. من اجل الصداقة .. يسمى وفاء
فياااااااااااااارب الهمنا الصبر
.................................
مؤلم أن تبكي خلف الشاشه وبنفس اللحظه تردد حرف الهاأأأء على الكيبورد لكي تمثل الضحكه
الرجوع الى أعلى الصفحة اذهب الى الأسفل
n o n a

POP V.I.P
POP V.I.P


انثى
العمر : 29
الابراج : الاسد
البـــلد : egypt
عدد المساهمــات : 736

مُساهمةموضوع: رد: عندك أكتئاب أدخل خد الروشته   الأحد مايو 03, 2009 8:06 pm

حلو اوى الموضوع دا يا كونو

بس انا فى رايي ان اللى بيفضل فترة مكتأب

بيقعد يقول لنفسه انا مخنوق

انا زهقان

انا عاوز اموت خلاص

مش قادر

لاغاية لما يبقى شكله كدا

و يبقى هو نفسه انسان يخنق


و على فكرة انا اعرف ناس كدا

بس والله لو الانسان بص للحياة بلون فاتح شوية

الحياة هتبقى احسن بالنسبة له

و لو رضى باللى ربنا قسمه له

هيتقبل اى مشكلة بقلب صافى

و هيصبر على حلها
الرجوع الى أعلى الصفحة اذهب الى الأسفل
SASAPOP

ELPOP ELKeBeR
ELPOP ELKeBeR


ذكر
العمر : 28
الابراج : الاسد
البـــلد : egypt
عدد المساهمــات : 2393
المزاج : تمام الحمد لله
اداره 1-1 .

مُساهمةموضوع: رد: عندك أكتئاب أدخل خد الروشته   الإثنين مايو 04, 2009 12:30 am


اقتباس :
و لو رضى باللى ربنا قسمه له

اجمل كلمه
فعلا يارب كلنا نرضى بالى يقسمهولنا ربنا
لانه سيقدر لنا الخير دائما
ومانزعلش على انسان فضل فراقنا لان اكيد الى جاى احسن

شكرا لردك الجميل يا نونا ومشكور يا كونو على الموضوع



______________


~~~~~~~~~~~~~~~~~~~~~~~~~~~
أسره واحده يجمعنا الحب والتعاون
دستورنا الاخلاق وقانوننا الصدق
كونوا عيوناٌ محبه للمنتدى
وساعدوا فى تقدمه وترقيته
كونوا أقلاماٌ مشجعه لكل خير
وافيدوا بكل ما لديكم

الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: عندك أكتئاب أدخل خد الروشته   الإثنين مايو 04, 2009 12:47 am

فعلا يا ريت الناس كلها ترضا بالى ربنا قسمهلم
مشكوه جدا يا نونا لمساهماتك الرائعه
الرجوع الى أعلى الصفحة اذهب الى الأسفل
ريرى

POP SUPeR STaR
POP SUPeR STaR


انثى
العمر : 24
الابراج : الحمل
البـــلد : egypt
عدد المساهمــات : 2442
المزاج : رايق

مُساهمةموضوع: رد: عندك أكتئاب أدخل خد الروشته   الثلاثاء يوليو 28, 2009 9:45 pm

موضوع حلو يا كونو
الرجوع الى أعلى الصفحة اذهب الى الأسفل
همسة القلب

POP SUPeR STaR
POP SUPeR STaR


انثى
العمر : 21
الابراج : العقرب
البـــلد : egypt
عدد المساهمــات : 3410
المزاج : هادئ

مُساهمةموضوع: رد: عندك أكتئاب أدخل خد الروشته   الأربعاء يوليو 29, 2009 6:09 pm

موضوع جميل ياكونو ومشكور للافادة
الرجوع الى أعلى الصفحة اذهب الى الأسفل
more than

POP SUPeR STaR
POP SUPeR STaR


ذكر
العمر : 27
الابراج : الاسد
البـــلد : egypt
عدد المساهمــات : 23771
المزاج : عاااااااااااااال
خواص  أضافيه مشرف قسم أسره سعيدة , مشرف قسم اللغه الانجليزيه , مشرف قسم الرياضه المصرية , مشرف قسم الأدب والقصه

مُساهمةموضوع: رد: عندك أكتئاب أدخل خد الروشته   الأربعاء يوليو 29, 2009 6:16 pm

الموضوع قيم لكن الكلام سهل والتنفيذ صعب



______________


ارجع يا زماااااان .... حن يا ماااااااااااضي
ايام الحب ما كان.... ما كان عادي
و لا كان الشوق للناس تهمه
و لا نظره عين و حنين ازمه
و لا عقل الناس خاوي و فاضي ..
حن يااااا ماااااااضي....
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR


ذكر
العمر : 27
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: عندك أكتئاب أدخل خد الروشته   السبت أغسطس 08, 2009 2:38 pm

thanks



______________








الرجوع الى أعلى الصفحة اذهب الى الأسفل
 
عندك أكتئاب أدخل خد الروشته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SHABABPOP :: .•:*¨`*:•.المنتــدى العــام.•:*¨`*:•. :: قسم الموضوعات الخفيفه |GeNeRal Topics-
انتقل الى:  

جميع الحقــوق محفوظــه لـ منتدى شباب بوب
All Rights ReserVed To © > ShaBaBPoP WorLeD