SHABABPOP

إن كنت عضو بالمنتدى أضغط على ايقونه الدخول
وإن لم تكن عضوا أضغط على ايقونه التسجيل


أنت محروم كزائر من مزايا كثيره
إشترك لترى انفرادات منتدانا وتضيف برأيك لمعرفه غيرك


SHABAB POP = SHABAB POPular


 
الرئيسيةشباب بوببحـثالتسجيلدخول

شاطر | 
 

 رباعيات صلاح جاهين 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ody_tware2

POP SUPeR STaR
POP SUPeR STaR
avatar

ذكر
العمر : 28
الابراج : الجوزاء
البـــلد : egypt
عدد المساهمــات : 3991
المزاج : I'm confused in this world
خواص  أضافيه مشرف قسم همس المشاعر , مشرف قسم عالم السيارات

مُساهمةموضوع: رباعيات صلاح جاهين 2   الأربعاء مايو 20, 2009 12:52 pm

النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فعلها
قول للطبيعة كمان تبطل دلع
عجبي !!!

صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!

كرباج سعاده وقلبي منه اجلد
رمح كأنه حصان و لف البلد
ورجع لي نصل الليل و سألني .. ليه
خجلان تقول انك سعيد يا ولد
عجبي !!!

مزيكة هادية الكون فيها انغمر
وصيف وليل وعقد فل وسمر
يا هلتري الناس كلهم مبسوطين
ويا هلتري شايفين جمال القمر؟
عجبي!!

إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي !!

آه لو انا و محبوبي جزنا الفضا
في سفينة وحدينا .. واشيا رضا
ساعة صفا تعجبنا نرجع لها
والهم قبل ما ييجي .. يبقي مضى
عجبي !!

أنا إله الوجد رب الهيام
أضرب بسهم الوهم وهم الغرام
وهم الغرام من كتر ما هو لذيذ
رشقت انا ف صدري جميع السهام
عجبي !!!

حدوته عن جعران و عن خنفسه
اتقابلوا حبوا بعض ساعة مسا
ولا قالهم حد اختشوا عيب حرام
ولا حد قال دي علاقة متدنسة
عجبي !!!!

ياللي عرفت الحب يوم و انطـوي
حسك تقول مشتاق لنبع الهوي
حسك تقول مشتاق لنبع الغرام
ده الحب .. مين داق منه قطره...ارتوي
عجبي !!!

زحام وأبواق سيارات مزعجة
واللي يطول له رصيف.. يبقي نجا
لو كنت جنبي يا حبيبي أنا
مش كنت أشوف إن الحياة مبهجة
عجبي!!

إيديا في جيوبي وقلبي طــــــــرب
سارح في غربة بس مش مغترب
وحدي لكين ونسان وماشي كده
وبابتعد ما اعرف .. أو باقترب
عجبي !!

يا ميت ندامه ع القلوب الخلا
لا محبة فيها ولا كراهه ولا
حتي يا قلبي الحزن ما عادش فيك
معلهش .. لك يوم برضه راح تتملا
عجبي !!

مرحب ربيع مرحب ربيع مرحبه
يا طفل يا للي ف دمي ناغا وحبـا
علشان عيونك يا صغنن هويت
حتي ديدان الأرض والأغربة
عجبي !!!

فتحت شباكي لشمس الصباح
مادخلش منه غير عويل الرياح
وفتحت قلبي عشان ابوح بالألم
ماخرجش منه غير محبه وسماح
عجبي !!!!

غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون ... وليه
رسمت ورده وبيت وقلب وعلم
عجبي !!!

انا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
عجبي !!!

انا الذي عشت الزمن مضيعه
بروح حزينة معفنة مضعضعه
زرعت شجرة سنط لجل انجرح
لقتها شعر البنت ومفرعة
عجبي !!

لو فيه سلام في الأرض وطمان وأمن
لو كان مفيش ولا فقر ولا خوف وجبن
لو يملك الانسان مصير كل شئ
انا كنت اجيب للدنيا ميت ألف ابن و ابن
عجبي !!

العشب طاطا للنسايم و نخ
أخضر طري مالهش في الحسن أخ
عصفور عبيط انا .. غاوي بهجه وغنا
ح انزل هنا..وانشا لله يهبرني فخ
عجبي !!!

أوصيك يابني بالقمر و الزهور
أوصيك بليل القاهرة المسحور
وإن جيت في بالك .. إشتري عقد فل
لأي سمرا.. وقبري إوعاك تزور
عجبي !!!!

غمض عينيك وارقص بخفة ودلع
الدنيا هي الشابة وانت الجدع
تشوف رشاقة خطوتك تعبدك
لكن انت لو بصيت لرجليك ....تـقع
عجبي !!!

حاسب من الاحزان وحاسب لها
حاسب علي رقابيك من حبلها
راح تنتهي و لابد راح تنتهي
مش انتهت أحزان من قبلها؟
عجبي !!!

يأسك وصبرك بين إيديك وانت حر
تيأس ما تيأس الحياه راح تـمر
أنا دقت مندا ومندا عجبي لقيت
الصبر مر وبرضك اليـأس مر
عجبي !!

ولدي نصحتك لما صوتي اتنبح
ما تخفش من جني ولا من شبح
وان هب فيك عفريت قتيل إسأله
ما دافعش ليه عن نفسه يوم ما اندبح
عجبي !!

ولدي إليك بدل البالون ميت بالون
انفخ وطرقع فيه علي كل لون
عساك تشوف بعينك مصير الرجال
المنفوخين في السترة والبنطلون
عجبي !!!

خوض معركتها زي جدك ما خاض
صالب وقالب شفتك بامتعاض
هي كده...ما تنولش منها الأمل
غير بعض صد ورد ووجاع مخاض
عجبي !!!!

كام اشتغلت يا نيل في نحت الصخور
مليون بئونه و الف مليون هاتور
يا نيل أنا ابن حلال و من خلفتك
وليه صعيبه علي بس الأمور
عجبي !!!

منين أجيبها كلمه متألمة
لعيبه فايره حايره و مصممه
منين اجيبها كلمه تكون بنت ارض
تشفي اللي ما شافهوش كلام السما
عجبي !!!

أنا قلت كلمة وكان لها معنيين
كما بطن واحده وتوأمين زي وشين
لو دنيا شر.. التوأم الخير يموت
لو دنيا خير .. الشر ح يعيش منين
عجبي !!

أنا اللي بالأمر المحال اغتوي
شفت القمر نطيت لفوق في الهوا
طلته ما طلتوش إيه انا يهمني
وليه .. ما دام بالنشوة قلبي ارتوي
عجبي !!

بره القزاز كان غيم و أمطار وبرق
ما يهمنيش – أنا قلت – ولا عندي فرق
غيرت رأيي بعد ساعة زمان
وكنت في الشارع .. وفي الجزمة خرق
عجبي !!!

عيني رأت مولود علي كتف أمه
يصرخ تهنن فيه يصرخ تضمه
يصرخ تقول يا بني ما تنطق كلام
ده اللي ما يتكلمش يكتر همه
عجبي !!!!

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنما
كتم الغنا هو اللي ح يموتــــــــك
عجبي !!!

ياللي بتبحث عن إله تعبده
بحث الغريق عن أي شئ ينجده
الله جميل وعليم ورحمن رحــيم
إحمل صفاته .. وانت راح توجده
عجبي !!!

حقرا وفوق كوكب حقير محتقر
في الكون تكون دنياكو إيه يا بقر
رملايه من صحرا؟ لكين إيش تقول
والكون بحاله جوه عقل البشر
عجبي !!

لا تجبر الانسان و لا تخيره
يكفيه ما فيه من عقل بيحيره
اللي النهارده بيطلبه ويشتهيه
هو اللي بكره ح يشتهي يغيره
عجبي !!

ياللي في حماه م الشمس تلقي الملاذ
وألف بكره وبكره .. في ضلوعه لاذ
مين أنت؟ مارد؟ رب؟ قال لأ ده بس
انا اللي باروي القمح واسقي الفــولاذ
عجبي !!!

غسل المسيح قدمك ياحافي القـدم
طوبي لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي !!!!

البط شال عدي الجبال والبحور
ياما نفسي اهج .. احج ويا الطــيور
أوصيك يا ربي لما اموت .. والنبي
ما تودنيش الجنه .. للجنه سور
عجبي !!!

طال انتظاري للربيع يرجع
والجو يدفا والزهور تطلع
عاد الربيع عرمرم شباب
إيه اللي خلاني ابتديت افزع؟
عجبي !!!

ولو اتضنيت وفنيت وعمري انفرط
مش عاوز الجأ للحلول الوسط
وكمان شطط وجنون مانيش عاوز
يا مين يقول لي الصح فين والغلط
عجبي !!

عاد الربيع كأنه طعم الحب
والحب نار جوه العروق بتصب
اتمتع ازاي بيه وانا متقطع
من كتر خوفي لا في الخطيئة يطب؟
عجبي !!

ازاي شبابنا يقوم و ياخد دوره
من غير صراخ يئذيه و يجرح زوره
ياهلتري أحسن له يقعد ساكت
أو ينترك ولو خرج عن طوره؟
عجبي !!!

عيني رأت عصفور ووياه ابنه
بيحدفه في الريح وياخده ف حضنه
نوبتين وتالت نوبه – عجبي عليهم –
كانوا سوا بيرفرفرا و يغنوا
عجبي !!!!

احسن ما فيها العشق والمعشقة

وشويتين الضحك والتريقة
شفت الحية . لفيت . لقيت الألذ
تغييرها . وده يعني التعب والشقا
عجبي !!!

عجبي علي العجب العجيب العجاب
لما الحقيقة تطل بعد احتجاب
وتروح وتحلا وفجأة تصبح مفيش
كمثل طراطيش بحر ياما خد وجاب
عجبي !!!

في الهو ماشي يا بهلوان إش إِش
يا فراشة منقوشة علي كل وش
شقلبت عقلي وعقلي شقلبني
وكنت باحسبني بقيت ما اندهش
عجبي !!

وقفت ساعة الصبح باغسل سناني
قالت لي شايف قوتي ولمعاني؟
إيش تطلب اليوم مني ضحكة أسد؟
والا ابتسامة اعلانات أمريكاني ؟
عجبي !!

الحلو يم اليم صابح رايح
سارح في حضن الميه سابح سايح
الحلو داب في البحر , قلت أدوقه
وجدت لسه البحر برضك مالح
عجبي !!!

يا كل كلمة للعجب في قاموس
انسكلوبيديا لسان العرب أو لا لاروس
تعالوا نجدة . ده لسه في عصرنا
الشمس و البحر العريض بالفلوس
عجبي !!!!

الموج تلول تهبط وتطلع تلول
يا بحر خدني الشط صاحبك ملول
والا بلاش الشط ح اعمل به أيه
ده ريحته طحلب مهري وام الخلول
عجبي !!!

ما آنتاش بتلعب ليه يا روح بابا؟
ولا عسكري ولا لص في عصابة؟
إلعب أسد أو ديب رهيب أو غـزال
دي الدنيا في نهاية المطاف غابة
عجبي !!!

ورد في ورق سلوفان يا حلوة اهديلك؟
والا انقله بالطين في الشتلة و اجيلك
الأولاني لو وحا بحناني
عجبي علي التاني بإيه يوحيلك
عجبي !!

أنا قلبي كوكب وانطلق في المدار
حواليكي يامحبوبتي يا نور ونـــار
يلف مهمــــا يلف ما بيكتــــفيش
وتمللي نصه ليل و نصه نهــــــــار
عجبي !!

الأرض شوك أيوه لكين هايش
والحمرة مش يعني الطريق حايش
دي دمنا السيال .. وبشرة خيـــــــر
ان انتي عايشة وان كنت أنا عايــش
عجبي !!!

إيه اللي خدته من مرور السنــــــين
يا قلبي الا دمعتك و النيــــــــــــــين
بتئن و ترجع و بتفرح و ترجع تحــن
مع إن مش كل البشر فرحانين
عجبي !!!!


اوقات أفوق و يحل عني غبايا
واشعر كأني فهمت كل الخبايا
وافتح شفايفي علشان اقول الدرر
ما أقولش غير حبة غزل في الصبايا
عجبي !!!

عيني رأت مخلوق في غاية البشاعة
أنا قلت له لما تأملته ساعة
اللذه والموت علموك اللزج
وانا علموني الفلسفة والشجاعة
عجبي!!

غطس وقب الموج نهود بمبي
من ألف جيل جمالات ما تعلم بي
يا قلبي عيب دول امهاتنا القدام
أستغفر الله العظيم ربي
عجبي !!

علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي !!

ظهر المسيح الحي علي سفح ربوة
ونزل بهالة الضي وقعد في قهوة
بصوا .. تعالوا .. قالوا خليه في حاله
الناس في حالهم يا بني .. مالهمش دعوة
عجبي !!!

لولا اختلاف الرأي يا محـــــترم
لولا الزلطتين ما لوقود انضرم
ولولا فرعين ليف سوا مخاليف
كان بيننا حبل الود كيف اتبرم؟
عجبي !!!!

يا وردة قلبي معاكي في الريح لعب
لا تعبتي م الريح و لا قلبي تعب
احنا كده: نرتاح في صخب الجنون
وفي السكون بنخاف قوي ونترعب
عجبي !!!

مركب ورق من نفخة تتطوح
ركبتها والكل بيلوح
سوحت فيها اتنين وخمسين سنه
للآن ..... ولا بتغرق ولا تروح
عجبي!!

عالجسر فت الصبح تحت الضباب
بين اللي لسه بينغرس و اللي طاب
ما اهتز قلبي لنبت طالع جديـــــــد
قد اللي ماشي .. وتحت باطه كتاب
عجبي !!

يا خالق الكون بالحساب والجبر
وخالقني ماشي بلختيار والجبر
كل اللي حيلتي زمزمية أمل
وازاي تكفيني لباب القبر؟
عجبي !!

قاعدة قناني الخمر ساكتة وساهية
مع ابن آدم في الشبه متناهية
مفيش كده روقان في لحظة تشوفهم
وبعدها بلحظه يودوا في داهيه
عجبي !!!

حتة محارة وجدتها في يوم لقيـة
قالت لي شوف كيف الطبيعة شقية
نظرت للكهف اللي فيها ولقيــــت
إن الطبيعة كمان لا أخلاقية
عجبي !!!!

بلياتشو قال إيه بس فايدة فنوني؟
وتلات وقق مساحيق بيلونوني
والطبل و المزامير وكتر الجعير
إذا كان جنون زبوني زاد عن جنوني
عجبي !!!

نقطة مرارة كمان علي مشروبي
دوبها يا ساقي حسب مطلوبي
طعم الحياة .. مش برضه فيها وفيها؟
ليالي وردي و نهارات خروبي؟
عجبي!!

وسط الحطام اتفرجوا يا أنام
تمثال ملك . ومبوله م الرخام
لتنين نحتهم نفس أسطي الحجر
وكانوا ذات يوم كتلتين لسه خام
عجبي !

عيد والعيال اتنططوا ع القبور
لعبوا استغمايه .. ولعبوا بابور
وباللونات ونايلونات شفتشي
والحزن ح يروح فين جنب السرور
عجبي !!

أنا قلبي كورة و الفراودة أكم
ياما اتنطح وانشاط وياما اتعكم
و اقول له كله ح ينتهي في المعـــاد
يقول بساعتك؟ والا بساعة الحكم؟
عجبي !!!

الضحك قال يا سم ع التكشير
امشير و طوبه وانا ربيعي بشير
مطرح ما باظهر بانتصر ع العدم
انشالله أكون رسماية بالطباشير
عجبي !!!!

أهوي الهوي وهمس الهوي في العيون
وبسمة المغرم ودمعه الحنون
وزلزلات الحب نهد الصبا
أكون انا المحبوب أو لا أكون
عجبي !!!

ياملونين البيض في شم النسيـــــم
لون الحنين والشوق وخمر النديم
ماتعرفوش سايق عليكو النبي
تلونوا الأيام بلون النعيم؟
عجبي!!

الدنيا صندوق دنيا .. دور بعد دور
الدكة هي .. وهي كل الديكور
يمشي اللي شاف ويسيب لغيره مكان
كان عربجي أو كان امبراطور
عجبي !

قطي العزيز راقد علي الكنبات
في نوم لذيذ .. و بيلحس الشنبات
وانا كل عين فنجان مدلدق قلــق
صدق اللي قال إن الحياة منابات
عجبي !!

قالوا السياسة مهلكة بشكل عام
وبحورها يا بني خشنة مش ريش نعام
غوص فيها تلقي الغرقانين كلهم
شايلين غنايم .. والخفيف اللي عام
عجبي !!!

سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهوه
يطلع كلام سلام .. وسلام كلام
عجبي !!!!

فوق تحت . ورا قدام . يمين شمال
في الجو . تحت الميه . أو في الرمال
طلب الكمال يحرم علي الممكن
والممكنات دول محرومين م الكمال
عجبي !!!

هات يا زمان وهات كمان يا زمان
غير بسمة الشجعان مامني يبان
هو اللي داق الفرحة يوم ثورته
يقدر يعود ولا ثانية للأحزان؟
عجبي!!

عبثا باقول واقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جد
وناس تقول الجد يطلع عبث
عجبي !

يومي علي الله تنتهي وتغيــــب
الشمس وتعود تاني يوم لهاليب
زي الحياة مأساه ومن كترهــــا
بقي لا انتهاءها وابتداءها عجيب
عجبي !!

علم اللوع اضخم كتاب في الأرض
بس اللي يغلط فيه يجيبه الأرض
أما الصراحة فأمرها ساهل
لكن لاتجلب المال ولا تصون العرض
عجبي !!!

أنا كان لي أب . وكان رئيس محكـــمه
ستين سنة .. في قضية واحدة أترمي
ستين سنة و طلع براءة وخرج
يشكي الحياة و الموت لرب السما
عجبي !!!!

قالوا ابن آدم روح و بدنه كفن
قالوا لأ بدن . قالوا لأ ده روح في بدن
رفرف فؤادي مع الرايات في الهوا
أنا قلت لأ روح في بدن في وطن
عجبي !!!!
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR
avatar

ذكر
العمر : 28
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: رباعيات صلاح جاهين 2   الخميس مايو 21, 2009 12:12 am

thanks شكرا thanks
الرجوع الى أعلى الصفحة اذهب الى الأسفل
فريسكا

POP GeDeD
POP GeDeD
avatar

انثى
العمر : 40
الابراج : الجدي
عدد المساهمــات : 30

مُساهمةموضوع: رد: رباعيات صلاح جاهين 2   الخميس مايو 21, 2009 12:30 am

لا تجبر الانسان و لا تخيره
يكفيه ما فيه من عقل بيحيره
اللي النهارده بيطلبه ويشتهيه
هو اللي بكره ح يشتهي يغيره
عجبي !!


الله عليك وعلى اختيارك الاكثر من رائع
ماجاش بعديه تانى جاهين
راح واختفى بس لسه ليه دواوين
وهنفضل نعشق كل حاجه منع من ضحك وانين
وعجبى
الرجوع الى أعلى الصفحة اذهب الى الأسفل
mesho

POP GaMeD
POP GaMeD
avatar

ذكر
العمر : 28
الابراج : الحمل
البـــلد : egypt
عدد المساهمــات : 399
المزاج : ربنا ساترها والحمد لله

مُساهمةموضوع: رد: رباعيات صلاح جاهين 2   الخميس مايو 21, 2009 12:37 am

جميل جدا اشعارك يا جاهين
وشكرا على نقلكوا ليها يا اودى ويا فريسكا

byebye byebye byebye
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR
avatar

ذكر
العمر : 28
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: رباعيات صلاح جاهين 2   الخميس مايو 21, 2009 12:42 am

tahia
الرجوع الى أعلى الصفحة اذهب الى الأسفل
ody_tware2

POP SUPeR STaR
POP SUPeR STaR
avatar

ذكر
العمر : 28
الابراج : الجوزاء
البـــلد : egypt
عدد المساهمــات : 3991
المزاج : I'm confused in this world
خواص  أضافيه مشرف قسم همس المشاعر , مشرف قسم عالم السيارات

مُساهمةموضوع: رد: رباعيات صلاح جاهين 2   الأحد أغسطس 09, 2009 6:27 am

thanks



______________


Don't want you back
Cuz you're no good for me, I know
That's all I can say
Don't want you back
Forgive my honesty but you gotta go
I don't want you back
الرجوع الى أعلى الصفحة اذهب الى الأسفل
kono

ADMINISTRATOR
ADMINISTRATOR
avatar

ذكر
العمر : 28
الابراج : الجوزاء
البـــلد : egypt
عدد المساهمــات : 21061
المزاج : رومنسى فى زمن منسى
خواص  أضافيه مشرف قسم أحلى نكته , مشرف قسم عالم السيارات , مشرف قسم الشعر
اداره 1-1 .

مُساهمةموضوع: رد: رباعيات صلاح جاهين 2   الأحد أغسطس 09, 2009 4:24 pm

cowboy



______________








الرجوع الى أعلى الصفحة اذهب الى الأسفل
 
رباعيات صلاح جاهين 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SHABABPOP :: .•:*¨`*:•.المنتــدى الفــني.•:*¨`*:•. :: قسم الشعر و الخـواطر|Poetry and Sweet Words-
انتقل الى:  

جميع الحقــوق محفوظــه لـ منتدى شباب بوب
All Rights ReserVed To © > ShaBaBPoP WorLeD